Espazo do tempo (taboleiro atmosférico)

Boas a todas e todos!

Hoxe déixovos un xogo novo para que fagades na casa e pasedes mellor estes días.

É... "espazo do tempo" ou "taboleiro atmosférico", que nos permite mover todo o esqueleto! lanzo os dado e vendo o que me sae, vou poñendo cada parte de corpo na casilla que corresponde.

No vídeo, cóntovos como se xoga e aquí abaixo amoso os pasos a seguir para facelo.

1. Facer o cubo con papel ou cartón coa axuda da regra, papel e lapis (cada cuadriño debe medir 5 centímetros por cada lado).

2. Debuxamos en cada cara o que máis nos guste (eu elexín os fenómenos atmosféricos, que xa nos presentou Ra nas actividades anteriores).

3. Coloreamos e recortamos pola liña.

4. Dobramos polas liñas que están entre debuxo e debuxo.

5. Botamos pegamento nas pestanas.

6.  Xa temos o primeiro dado rematado!

7. Agora facemos o taboleiro, cómo? facendo os mesmos debuxos do dado noutro papel para logo poñelos no chan. Por exemplo pode quedar así:

8. Poñémonos a xogar!! lanzamos o dado e temos que por a man sobre o debuxo que saíu.

Se o queremos poñer más complicado, podemos lanzar varias veces o dado e recordar o que vai saindo para logo facer a mesma serie no taboleiro. Por exemplo, lanzo o dado e sae o sol, logo a nube e na última tirada o arco da vella, así que recordando isto vou ao taboleiro e toco as casillas na mesma orde: sol, nube e arco da vella.

Queredes que sexa máis complicado?

Pois creamos outro dado e lle debuxamos varias partes do corpo. O meu deseño é este:

   

E... xa temos os dous dados

Agora poño no chan o taboleiro (ou as pezas soltas) e podo colocalocomo máis me guste. Eu fixen este:

E agora... A XOGAR!

Lanzo os dous dados ao mesmo tempo e observo o que me sae. Por exemplo, saíu a nube e o cóbado, polo que teño que tocar a nube co meu cóbado.

Espero que vos guste! Unha aperta enorme a todas e todos.

Vaamonde Lodeiro, María