Como xa sabedes seguimos co estado de alarma e temos que seguir pasando máis tempo na casa. Para poder levalo o mellor posible, aquí vos deixo unha actividade para que poidades traballar a vosa imaxinacion e a vosa expresión escrita, a través da creación de pequenas historias con palabras que teñen relacion co tempo e os fenómenos atmosféricos, que xa traballamos na aula de 2°B ao longo do curso.  Coller papel, lapis e a escribir!!! Para rematar a actividade podedes facer un debuxo e pintarlo. Ánimo a tod@s!!!

https://view.genial.ly/5e80cdcb3fea8d0db0d3f2ea/game-xogo-memoria Se fas clic nesta ligazón, abrirase unha xanela cun reto, podes superalo? 

Spring! Summer! Autumn! Winter! What are you wearing? Que levas posto? Shirt, shoes, gloves... En Infantil , comezamos a semana traballando en  Inglés    as estacións do ano e a roupa. Primerio cantamos e bailamos dúas cancións sobre esta temática. http://octopusgarden.org/archivos/450 http://octopusgarden.org/archivos/304 Despois buscaremos en xornais, revistas ou outras publicacións que teñamos pola casa fotos de diferentes pezas de roupa.  A continuación recortaremos, clasificaremos e pegarémolas na estación do ano correspondente. Podedes ver a proposta de activdade completa no blog de Inglés Infantil pinchando no seguinte enlace: http://octopusgarden.org/archivos/450 Have fun!  Teacher Montse

En tempo de cuarentena que mellor que pasar o tempo construindo palabras sobre o tempo. Ordena as palabras e comproba o resultado cos QR.

Neste tempo obrigado de traballo na casa, quero achegarche dúas actividades para pasar o tempo un pouquiño mellor. Resolve esta fuga de vogais e nomea fenómenos atmosféricos...

Aquí déixovos dous xogos para traballar a conciencia fonolóxica mentres repasamos vocabulario relativo ao tempo e aos fenómenos atmosféricos, para pasar un bo intre en familia durante este tempo de corentena. Podedes empregar un dado calquera que teñades pola casa. Cada vez que tiredes o dado e saia un número tedes que poñer a vosa ficha no dado con ese número e asociar a imaxe coa letra ou sílaba pola que comeza o nome dese fenomeno atmosférico dependendo do xogo. Traballaremos aspectos coma a atención, a concentración, a memoria, a percepción visual, a discriminación auditiva e fonolóxica, o vocabulario, a articulación... O vocabulario empregado é: sol, nubes, choiva, vendaval, treboada, folerpas, raio, néboa, neve, saraiba, marusía, relampo. O vocabulario empregado é: inundacións, chuvia, arco da vella, brétema, vento, nubes, xeada, pedrouzo, raio, nubes, folerpas, marusía, relampo. Para as nenas e nenos máis grandiños tamén poden coller o cader

Boas a todas e todos! Hoxe déixovos un xogo novo para que fagades na casa e pasedes mellor estes días. É... "espazo do tempo" ou "taboleiro atmosférico", que nos permite mover todo o esqueleto! lanzo os dado e vendo o que me sae, vou poñendo cada parte de corpo na casilla que corresponde. No vídeo, cóntovos como se xoga e aquí abaixo amoso os pasos a seguir para facelo. 1. Facer o cubo con papel ou cartón coa axuda da regra, papel e lapis (cada cuadriño debe medir 5 centímetros por cada lado). 2. Debuxamos en cada cara o que máis nos guste (eu elexín os fenómenos atmosféricos, que xa nos presentou Ra nas actividades anteriores). 3. Coloreamos e recortamos pola liña. 4. Dobramos polas liñas que están entre debuxo e debuxo. 5. Botamos pegamento nas pestanas. 6.  Xa temos o primeiro dado rematado! 7. Agora facemos o taboleiro, cómo? facendo os mesmos debuxos do dado noutro papel para logo poñelos no chan. Por exemplo pode quedar así:

 Durante a semana da prensa o alumnado comprobou como aparece reflexado o tempo en diferentes xornais do noso país. Como actividade final, traballamos con diversas noticias relacionadas co tempo. Posteriormente o alumnado recortou o título dalgunha desas noticias e fixo un debuxo relacionado ca mesma.

O traballo con pinceis é un dos favoritos dos nosos nenos e nenas.... por iso arriscámonos e facer un traballo minucioso e de detalle cos nenos e nenas de 1ºC.  Copos de neve e nubes quedaron plasmados nas cartolinas e expostos para que o alumnado vira os artistas cos que contamos no colexio.

Durante a semana da prensa o alumnado 4º A analizou 3 noticias relacionadas con fenómenos atmosféricos que afectaron ao sen entorno próximo: Non só identificaron o titular, a data da publicación, o nome do xornal, tamén extraeron a información relevante e buscaron no dicionario termos relacionados co tempo atmosférico, como por exemplo: tornado, tormenta, refacho, borrasca, ciclón, trombas... Finalmente fixeron un debuxo para ilustrar a noticia.