Xogando co tempo

Publicado por
 Propóñovos un xogo similar a un crebacabezas que podedes facer na casa. Só necesitades rolos de papel de cociña, folios, lapis, ceras ou rotuladores, pegamento e tesoiras.

 Primeiro tedes que debuxar nun folio algún símbolo do tempo ou fenómeno atmosférico. Logo debedes decoralo e recortalo. 
 A continuación colledes un rolo de papel de cociña e pegades o debuxo que recortastes. 
 Por último papá, mamá ou o adulto que este connosco deberá cortar o rolo en tres partes iguais.  
 Xa tedes o voso crebacabezas para montalo cada vez que queirades!! O xogo pódese adaptar o nivel de dificultade que se queira.

 Con este xogo traballaremos aspectos como a psicomotricidade fina, a atención, a memoria, a coordinación óculo-manual, a creatividade, as cores, os tamaños, vocabulario referente ao tempo e ao clima ... Ademais pódese aproveitar para traballar as descricións. 

  Espero que vos guste!!!





Comentarios

Publicar un comentario

Entradas populares de este blog

Xeo

Publicado por
Bos días rapaces e rapazas! Esta vez, e para rematar o curso, propoño unha actividade de experimentación coa auga. Trátase de buscar obxectos pequenos (flores, botóns, pedras...) e metelas en cubiteiras de xeo (vasiños, botellas, ou que teñades por ahí). Despois poñedes auga nas cubiteiras e as metedes no conxelador. Debemos esperar até que a auga pase de líquida a sólida (é dicir, sea un cubiño de xeo). A continuación temos varias formas de xogo: 1. Xogar a desfacer o xeo de diversas formas (dándolle calor, dándolle golpeciños, etc.). 2. Xogar con máis persoas a ver quen é o primeiro/a que descubre o tesouro que conteñe. Espero que vos guste moito. Unha aperta enorme!
Leer más

10. CREACIÓN DE UN XOGO DE MEMORIA DE FENÓMENOS METEOROLÓXICOS PARA ATOPAR PARELLAS OCULTAS.

Publicado por
Imagen
10. CREACIÓN DE UN XOGO DE MEMORIA DE FENÓMENOS METEOROLÓXICOS PARA ATOPAR PARELLAS OCULTAS. Nesta actividade propuxen a cada neno/a e as súas familias, a creación dun xogo de memoria relacionado cos fenómenos meteorolóxicos. Así, cada neno/a debuxou por duplicado e en tarxetas de cartón: soles, nubes, gotas de choiva, raios, bonecos de neve, arcos da vella,... Despois barallaron as tarxetas e as colocaron boca abaixo e xogaron a atopar as parellas.
Leer más

Para animarvos a participar no FOTOMETEORO!

Publicado por
Imagen
Temos a sorte de contar cunha "colaboradora" na outra punta de Galicia , no sur da nosa Comunidade, concretamente na localidade de Laza(Ourense). Ela facilitounos unha imaxe do pasado domingo 12 de xaneiro onde se pode apreciar unha tremenda xeada nesta localidade ourensá (rexistrouse  -3º de temperatura). Comentamos con nenas e nenos de 2º a diferenza de temperaturas entre as distintas zonas da nosa Comunidade e que ese mesmo  día en Sada tamén fixo moito frío , pero non tanto. A nosa "colaboradora" tamén enviou esta foto a:  O Tempo da TVG , onde xa ten enviado moitas e moi interesantes imaxes da nosa climatoloxía. Aquí podedes ver a foto da tremenda xeada publicada en O Tempo da TVG e a orixinal que nos facilitou a súa autora. Deste xeito pretendemos animar aos nosos alumnos e alumnas a participar nunha posible actividade para este Proxecto e que se denominará   FOTOMETEORO: concurso de fotografías de fenómenos atmosféricos.
Leer más