Nube de choiva
Esta semana as mestras de segundo propuxémoslles aos nenos e nenas un experimento
para ver de preto como se forman as gotas de choiva con materiais sinxelos que
poden atopar facilmente nas súas casas: auga fría, un vaso ou xerra, crema de
afeitar, colorante alimentario ou acuarelas e unha culler ou contagotas.
O procedemento consiste en botar a auga fría no tarro ata chegar á metade e
verter por enriba unha boa cantidade de crema de afeitar para formar as nubes.
Noutro recipiente, mesturar o colorante ou a acuarela líquida con auga,
revolvelo ben e coa axuda do contagotas ou da culler engadilos á nube de crema.
As gotas non caerán da nube ata que esta estea o suficientemente chea, representando
así o fenómeno da choiva.
Por outro lado, seguindo coa temática das nubes, pedímoslles que
aproveitasen as saídas a pasear para fixarse ben nas nubes que van observando
no ceo e deixasen voar a súa imaxinación pensando a que formas lles recordan,
para despois debuxalas ou representalas con diferentes materiais nas súas formas máis disparatadas.
Comentarios
Publicar un comentario